1952-yilda Xalq ta'limi xodimlarini qayta tayyorlash va ularning malakasini oshirish instituti Qarshi shahrida tashkil etilgan.

1985-yilda viloyat pedagogik xodimlar malakasini oshirish instituti maqomi berildi; 1993-yilda esa viloyat xalq ta'limi xodimlari malakasini oshirish instituti maqomi olindi.

Vazirlar Mahkamasining 2005 yil 25 fevraldagi 25-sonli qaroriga asosan Qashqadaryo viloyati pedagog kadrlarni qayta tayyorlash va ularning malakasini oshirish instituti shakllantirildi va tizim takomillashtirildi.

Vazirlar Mahkamasining 2014 yil 15 avgustdagi 234-sonli qaroriga asosan markazning faoliyatini yanada rivojlantirish chora-tadbirlari belgilandi.

Prezident qarori (PQ-3289, 26 sentabr 2017) asosida Qarshi Davlat universiteti huzuridagi Qashqadaryo viloyati xalq ta'limi xodimlarini qayta tayyorlash va ularning malakasini oshirish hududiy markazi tashkil etildi.

Prezidentning 2018 yil 5 sentyabrdagi PQ-3931-son qarori bilan Xalq ta'limi xodimlarini qayta tayyorlash va ularning malakasini oshirish hududiy markazi sifatida faoliyati davom etdi.

Prezidentning PF-134 farmoni (11 may 2022) asosida markazga Pedagoglarni yangi metodikalarga o'rgatish milliy markazi maqomi berildi.

Prezidentning 21 iyundagi PQ-231-son qarori asosida markazning nomi Qashqadaryo viloyati pedagogik mahorat markazi deb qayta tasdiqlandi va hozirgi faoliyati shu nom bilan davom etmoqda.